Lumir Abdixhiku i Lidhjes Demokratike të Kosovës, në një shkrim në Facebook, ka shkruar se rezultati i zgjedhjeve të përgjithshme të 14 shkurtit ka qenë më i rëndi në historinë e kësaj partie. Sipas Abdixhikut, mesazhi ishte i qartë e i zëshëm, ai thërret për reflektim. Kush s’e dëgjon harrohet; dhe këtë s’mund ta kemi më alternativë.
Postimi i plotë:
Tani që rezultatet nga terreni më vijnë, s’kam se si të mos falenderojë sërish, për të tretën herë rradhazi e me të njëjtën madhësi, votuesit e mi. Numrin e bëjmë ne.
Por kjo ka pak rëndësi. Fare madje. Rezultati për ekip, për LDK-në, pa befasi ishte i rëndë – më i rëndi në histori. Mesazhi ishte i qartë e i zëshëm, ai thërret për reflektim. Kush s’e dëgjon harrohet; dhe këtë s’mund ta kemi më alternativë.
Rruga përpara s’është e lehtë, por këtë rrugë LDK ka për ta gjetë. Ajo do të jetë rrugë e drejtë, siç na takon për atë që përfaqësojmë. Pa improvizime më; me plot konsistencë. Ndryshimi pas përgjegjësisë ka nisur dhe s’ka gjë që e ndalë atë tashmë.
Të njëqind mijë votuesve tanë ju faleminderit.
Fituesve të zgjedhjeve urime.
Kosovës gëzuar ditëlindjen.
