Përktheu dhe përgatiti Valmir Mehmetaj
Mbi 50 persona të arrestuar, 14 oficerë të plagosur dhe 4 të vdekur u raportuan gjatë protestave pro-Trump në DC. Këto protesta u quajtën nga Kongresi dhe shumë media amerikane si kryengritje.
Shefi i policisë në Uashington, D.C. tha se mbi 50 persona janë arrestuar gjatë protestave pro-Trump. Katër arrestime ishin të lidhura me armë.
Që nga ora 22:30 të kësaj mbrëmjeje, policia e D.C po raporton se janë bërë afërsisht 47 arrestime për shkak të shkeljes së orës policore.
Shefi i policisë Robert J. thotë se dy bomba të bëra nga tubat dhe një koktej Molotov janë gjetur afër objektit të Kapitolit.
Kapitoli u mbyll pasi protestuesit sulmuan ndërtesën derisa Kongresi filloi të numëronte votat e Kolegjit Zgjedhor. Votimi që atëherë ka vazhduar në një lokacion të fshehur.
Policia thotë se një grua e cila u qëllua nga një oficer policie brenda ndërtesës së Kapitolit ka vdekur. Ajo më vonë u identifikua si Ashli Babbit nga San Diego. Një hetim i brendshëm rreth kësaj është duke u zhvilluar.
Contee thotë se oficerët përdorën gaz lotësjellës dhe granata goditëse për të pastruar protestuesit nga territori i Kapitolit përpara fillimit të orës policore së orës 6:00, që u urdhërua nga Kryetarja e Bashkisë Muriel Boëser gjatë intensifikimit të protestave.
Policia thotë se 14 oficerë të MPD u plagosën gjatë protestave. Contee thotë se një u lëndua rëndë pasi u tërhoq brenda një turme dhe u sulmua, ndërsa një tjetër ka dëmtime serioze në fytyrë.
Contee thotë se tre vdekje ndodhën pas urgjencave mjekësore gjatë protestave të sotme.
Pentagoni thotë se rreth 1,100 anëtarë të Gardës Kombëtare të D.C. u mobilizuan për të ndihmuar në zbatimin e ligjit.
Policia e D.C-së thotë gjithashtu se një burrë u godit me thikë pranë hotelit Trump pak para orës 6 pasdite.
Policia thotë se burri ka vetëdije dhe po merr frymë. Nuk dihet nëse goditja me thikë ka të bëjë me këto protesta. WTTG
