Ekipet e shpëtimit dhe qentë e kërkimit gjetën një trup të Premten pasdite, pak pasi ata filluan një kërkim të rrezikshëm për 10 persona të zhdukur në një rrëshqitje toke rreth 30 kilometra nga kryeqyteti Norvegjez Oslo.
Një rrëshqitje e dheut në jug të vendit rrëmbeu një pjesë të një lagjeje banimi të përbërë nga më shumëse 12 ndërtesa.Në fillim, dukej shumë e rrezikshme për të dërguar ekipet e shpëtimit në rrëshqitje të dheut, kështu që vendi i rrëzimit – një krater i madh që përfshiu ndërtesa banimi në fshatin Ask – u kontrollua nga ajri, me helikopterë dhe me ndihmën e dronëve.
Por të premten, komandanti i policisë Roy Alkvist vlerësoi se një ose dy shtëpi ishin të sigurta për të hyrë.Shpëtuesit, përfshirë anëtarët e ekipit suedez, u drejtuan për në zonën e rrezikshme, duke u përpjekur të arrinin një nga shtëpitë e shkatërruara.Një qen dalmat që u zhduk në një rrëshqitje toke me pronarët e tij u shpëtua të enjten, dhe policia më pas tha se ata besonin se kishte ende një shans për të gjetur të mbijetuar.
Një helikopter i ambulancës u ul pranë vendit të rrëzimit dhe policia njoftoi se trupi u gjet rreth orës 2.30 pasdite me kohën lokale. Asnjë detaj nuk është bërë i ditur.
