U.d. e presidentit, Vjosa Osmani, ka treguar se ka pranuar një letër nga presidenti i SHBA-së, Joe Biden, i cili e ka uruar me rastin e 13-vjetorit të shpalljes së Pavarësisë së Kosovës.
Postimi i plotë i Osmanit:
Sot kam pranuar letër urimi nga Presidenti i Shteteve të Bashkuara të Amerikës, Joe Biden, ku ai rithekson raportet e forta ndërmjet dy popujve tanë, mbështetjen e vazhdueshme e të fuqishme të SHBA-ve si dhe nevojën që dialogu me Serbinë të përqendrohet në njohjen e ndërsjellë.
Përjetësisht mirënjohëse për mbështetjen e pazëvendësueshme të Shteteve të Bashkuara të Amerikës.
