Lajmi për vdekjen e 19 vjeçares nga Mitrovica, Nazlije Sherifi, ka tronditur mbarë qytetarët të cilët i dolën në ndihmë për grumbullimin e mjeteve për transplantin e veshkës, raporton Gazeta Online Veriu.info.
IKSHPK ka publikuar të dhënat për COVID-19 për 24 orëshin e fundit e ku në mesin e viktimave figuron edhe një 19 vjeçare nga Mitrovica.
Nga QKUK kanë konfirmuar se 19 vjeçarja ka qenë e infektuar me COVID-19.
Por lajmin për vdekjen e Nazlies nga COVID-19 e kanë mohuar familjarët e saj.
Vëllai i vajzës nga Mitrovica, Ilir Sherifi, përmes një shkrimi në rrjetin social Facebook ka akuzuar IKSHPK-në për mashtrim dhe montim të rezultateve.
Madje ai ka thënë se do të vijë koha kur do të demaskohen të gjithë ata që po mundohen të bëjnë padrejtësi për familjen e tyre në këto ditë të vështira.
Ndërkohë sot vajza nga Mitrovica është varrosur në varrezat e qytetit në Shipol nën masa të rrepta të mbrojtjes nga COVID-19.
Statusi i plotë i Ilir Sherifit:
Falenderoj IKSHP per mashtrimet dhe montimin e rezultateve si ia don qefi,do vij koha kur do demaskohen te gjith ata qe po tentojn te bejne pa drejtsi ne keto dite te renda per ne.
