Ambasadorja Demiri falenderon “Save a Child’s Heart” për mundësinë e shërimit të tyre.
Ambasadorja e Republikës së Kosovës në Izrael, Ines Demiri ka bërë të ditur se në Izrael kanë arritur tre fëmijët së bashku me nënat e tyre, të cilët do të marrin trajtim mjekësor.
Demiri në Twitter ka falënderuar organizatën “Save a Child’s Heart” për mundësinë e shërimit të tyre.
“Dje fëmijët tanë së bashku me nënat e tyre arritën në Izrael, me emocione të përziera shqetësimi dhe shprese. Save Child’s Heart faleminderit për afrimin e zemrave dhe shpëtimin e tyre. Ambasada e Kosovës do të ketë një udhëtim të gjatë me Erandën, Rrustemin dhe Endritin gjatë qëndrimit të tyre në Izrael”, ka shkruar Demiri.
