Të paktën 19 persona kanë humbur jetën e më shumë se 200 banorë po konsiderohen të zhdukur në Kili si pasojë e zjarreve të pakontrolluara të përhapura në malet përreth qytetit bregdetar Vina del Mar.
Kështu kanë njoftuar zyrtarë nga ky vend i Amerikës Latine. Qindra shtëpi banimi janë shkatërruar e qindra banorë janë detyruar të largohen nga shtëpitë e tyre për shkak të rrezikut.
Sipas raporteve të ministrisë së Punëve të Brendshme, në gjithë vendin nga zjarri janë përfshirë më shumë se 43 mijë hektarë, ndërsa përhapjen e zjarrit e ka ndihmuar edhe temperaturat që janë më të larta se zakonisht dhe erërat e fuqishme.
Kili ka shpallur gjendjen e jashtëzakonshme për shkak të zjarreve të përhapura.
