Selia e qeverisë ka reaguar pas suImit kibernetik që po ndodh në Shqipëri.
Në një njoftim për mediat, zyra e Edi Ramës bën të ditur se, për të mos dëmtuar të dhënat e qytetarëve, Agjencia Kombëtare e Shoqërisë së Informacionit ka mbyllur përkohësisht e-Albanian dhe faqe të tjera qeveritare.
Njoftimi i zyrës së shtypit të Kryeministrisë:
Shqipëria është gjendur ditën e sotme nën një suIm masiv kibernetik, të pandodhur kurrë më parë.
SuImi kriminal kibernetik rezulton të jetë i sinkronizuar dhe i sofistikuar nga jashtë Shqipërisë.
Për të mos lejuar që kjo goditje të dëmtojë sistemin tonë të informacionit, Agjencia Kombëtare e Shoqërisë së Informacionit ka mbyllur përkohësisht aksesin e shërbimeve publike online dhe faqeve të tjera qeveritare.
Sistemet qeveritare do të qëndrojnë të mbyllura deri në neutralizimin e suImeve armike, teksa AKSHI po punon me ekipin e Microsoft, me ekipin e Jones Group International dhe kompanitë shqiptare në fushën TIK, për të penguar cënimin e sistemit tonë të informacionit nga ky akt kriminaI.
