Përgatiti Valmir Mehmetaj
John Edward Alite, që u fotografua me një triko ku ka të plasuar flamurin shqiptar gjatë protestave në Kapitol Hill, është mjaft i njohur për publikun e atjeshëm. Ai në postimin e tij të fundit të bërë në Instagram tregon se ka qenë njëri ndër organizatorët kryesor të asaj proteste, dhe është parë në krye të saj shumë herë.
Mirëpo para se të bëhej simpatizues i zjarrtë i Trampit, Alite që është me prejardhje shqiptare e ka një të kaluar kriminale. Ai kishte qenë ish-bashkëpunëtor i familjes së krimit Gambino, dhe sipas dëshmisë së tij, krimet e tij kishin qenë mjaft monstruoze.
Alite u shpall fajtor për një sërë krimesh, si shantazh, rrahje e edhe dy vrasje, dhe u dënua me 10 vite burgim. Por për shkak se ai u kthye në dëshmitar të prokurorisë kundër familjes Gambino, posaçërisht kundër kokës së saj John A. “Junior” Gotti në 2008-tën u lirua me kusht më 2012.
Alite, shkruan Wikipedia, ka vlerësuar se gjatë kohës sa ishte bashkëpunëtor i familjes kriminale Gambino, ka qëlluar diku rreth 30 deri në 40 vetë, kishte rrahur rreth 100 persona me shkop bejzbolli dhe ka vrarë gjashtë persona
