Në Belgjikë autoritetet vendëse kanë arrestuar ish-pjesëtarin e UÇK-së, Pjetër Shala, në zbatim të fletarrestimit dhe aktakuzës së konfirmuar për krime lufte, lëshuar nga gjykatësi i procedurës paraprake i Dhomave të Specializuara të Kosovës.
Pjetër Shala do të mbahet i ndaluar në Belgjikë, në pritje të transferimit të tij në objektin e paraburgimit të DHSK-së në Hagë.
Dhomat e Specializuara të Kosovës përmes një komunikate kanë njoftuar se së shpejti do të publikojnë informacione për nxjerrjen e aktakuzës ndaj tij.
