Në mëngjesin e sotëm ka vdekur profesori universitar dhe njohësi i së drejtës, Riza Smaka.
Lajmin e ka bërë të ditur, nëpërmjet një postimi në rrjetin social Facebook, një nga anëtarë të familjes së tij.
“Të qoft i lehtë dheu i Kosovës Dajë Riza Smaka”, ka shkruar një familjare.
Profesori i njohur Smaka ka qenë edhe deputet në Kuvendin e Republikës së Kosovës në legjislaturën e viteve 2008-2011.
Smaka ishte anëtar i Komisionit për hartimin e Kushtetutës së Republikës së Kosovës si dhe ishte njëri nga nënshkruesit e Deklaratës së Pavarësisë së Kosovës.
Smaka ka lindur në Rugovë të Pejës, në vitin 1943. Diplomoi në Fakultetin Juridik më 1971, pastaj e kreu Provimin e Jurisprudencës. Magjistroi më (1979), ndërsa doktoroi (1987).
Profesor Riza Smaka përveç ushtrimit të detyrës së profesorit universitar, ka ushtruar edhe shumë funksione të tjera të larta shtetërore.
