“Kush e vrau Haki Tahën” i Gani Mehmetajt, i plotësuar me dëshmi të panjohura së shpejti në librari.
Në të gjitha rrëfimet që tregoheshin netëve të gjata të dimrit për trimërinë e Haki Tahës përmendej flamuri shqiptar, i qëndisur me shkronjat “Rrnoftë Kosova e bashkueme me Shqipni”.
Nga dëshmia e vëllait të Bekim Fehmiut, Arsim Fehmiu, del se ai flamur ka ekzistuar, nuk ishte mit, (Flamuri i qëndisur me shkronjat “Rrnoftë Kosova e bashkueme me Shqipni” ka dalë nga dera jonë, por nuk e di se kush e ka qëndisur, thotë Arsim Fehmiu), se Hakiu është bërë gati të vdes, pasi ta kryej misionin, se babai i Bekim Fehmiut, Ibrahimi e dinte këtë gjë. Prandaj u përshëndeten si dy miq që nuk do të shiheshin kurrë më, tregon dëshmitari.
Janë edhe 13 dëshmi të tjera të njerëzve që morën pjesë në atentat.
Por OZNA dhe UDB-ja e shtrembëruan të vërtetën nga frika se trimëria e tillë mund të përsëritej edhe ndaj xhelatëve të tjerë.
