Ministria e Shëndetësisë e Kosovës ka dalë me një sqarim lidhur me vendimin e Qeverisë rreth masave të sotme anti COVID-19 në Kosovë.
“Parimisht, mbesin në fuqi pothuajse masat e njëjta përveç heqjes së orës policore në komunat në ‘zonën e kuqe’, e cila tashmë si masë nuk ka ndonjë ndikim pozitiv si dhe kthimi i mësimit me prani fizike në fakultete, duke respektuar Manualin për parandalimin e përhapjes dhe luftimin e COVID-19.
Sa i përket Bordit këshillëdhënës për COVID-19, sipas mandatit që ka, ky bord është trup këshillëdhënës që i përgjigjet Ministrit të Shëndetësisë dhe jep këshilla sipas kërkesave të ministrit për çështje të lidhura me COVID-19, thuhet në sqarimin e MSh-së.
