Ministri i Financave, Punës dhe Transfereve Hekuran Murati sqaron opinionin lidhur me vendimin e djeshëm të Qeverisë për shtesat e ndara për skemat sociale dhe pensionale.
Pakoja e djeshme prej 20 milionë eurosh e miratuar në Qeveri, pjesa më e madhe e saj, 8.5 milionë euro janë ndarë për të mbështetur skemat e pensioneve që marrin nën 100 euro, si dhe familjet në asistencë sociale.
Sa i përket shtesave për pensionet bazike, qeveria e kaluar në kohë fushate, kishte marrë vendim për të ndarë nga 30 euro për vetëm tre muaj (janar, shkurt dhe mars).
Dhe pas marsit e tutje, shtesat ishte paraparë të ndalen në tërësi.
Me pakon e re, kemi shtuar 8.5 milionë euro, aty ku qeveria e kaluar kishte buxhetuar 0 euro shtesa. Pra për muajt prill e tutje, nuk ka pasur shtesa të planifikuara.
Krejt çka do të merrnin pensionistët pa vendimin e djeshëm të Qeverisë, do të ishte shuma prej 75 ose 90 eurove, ashtu siç është e planifikuar në buxhetin e vitit 2021, të miratuar në Kuvend.
Ministria e Financave, Punës dhe Transfereve, ka paraparë që për kategoritë̈ e skemave pensionale që marrin nën 100 euro – e këtu ka kategori me 75 euro dhe me 90 euro – të aplikohet një̈ shtesë, asisoj që shuma totale e pensionit me gjithë̈ shtesën të jetë 100 euro.
Këto shtesa do të vazhdojnë përgjatë tërë vitit, njësoj sikurse mbështetja për përfituesit e asistencës sociale.
