Noel Malcolm, historiani i njohur britanik është duke dhënë një intervistë në Pressingtë T7.
Ai ka folur edhe për ndalimin e gjuhës shqipe nga Perandoria Osmane.
Ai ka thënë se ishte një lloj paragjykimi kulturor kundër shqiptarëve që e përdornin gjuhën e tyre dhe ky është një lloj faktori misterioz, për të cilën thotë se “nuk e kupton as vet”.
”Ky është fakt i çuditshëm dhe unë kurrë nuk kam parë një analizë të hollësishme për të. Ndoshta është pjesërisht për shkak se kishat ishin relativisht të dobëta. Kisha Katolike kishte disa shkolla, por, natyrisht, donte të jepte mësim në gjuhën italiane, sepse priftërinjtë vinin nga Italia. Në jug, shkollat ortodokse donin të jepnin mësim në gjuhën greke. Shtresa e arsimuar e myslimanëve shqiptarë e kishte kulturën e vet, që e kishte marrë në turqishte osmane, ndërsa elita lexonte arabisht”.
Mendoj se nuk ekzistonte një rrjet mjaftueshëm i dendur i shoqërisë urbane, qartazi jo në Shqipëri, për ta mbështetur llojin e shtresës së mesme të arsimuar, që po zhvillohej në vende si Serbia, Bullgaria e Greqia. Arsimi në vete nuk ishte çështje serioze e shtetit osman. Shteti osman nuk ishte përgjegjës për themelimin e shkollave, për zbatimin e arsimit, varej nga faktorë të tjerë. Megjithatë, mendoj se ishte një lloj paragjykimi kulturor kundër shqiptarëve që e përdornin gjuhën e tyre dhe ky është një lloj faktori misterioz, të cilin nuk mund ta shpjegoj”, ka thënë ai.
