Kryeprokurori i Shtetit, Aleksandër Lumezi, i shoqëruar nga Kryeprokurori i Prokurorisë Themelore në Prishtinë, Kujtim Munishi, ka pritur në takim Shefen e Zyrës së UN Women në Kosovë, Vlora Nushi.Diskutimi i çështjeve të përbashkëta lidhur me databazën e integruar ndër-institucionale për rastet e dhunës në familje, trajtimi i rasteve të dhunës seksuale dhe viktimave të dhunës seksuale, koordinimi i institucioneve të sundimit të ligjit, krijimi i një mekanizmi për nxjerrjen e raporteve analitike për rastet e dhunës në familje, si dhe thëllimi i bashkëpunimit të ndërsjellë ishin në fokus të takimit ndërmjet Kryeprokurorit Lumezi dhe Shefes së UN Women.Më këtë rast nga përfaqësuesit e UN Women-it u vlerësua lartë aplikimi i databazës për rastet e dhunës në familje nga institucionet e zbatimit të ligjit në Republikën e Kosovës, duke konstatuar se në këtë aspekt vendi ynë është shembull i mirë në rajon dhe më gjerë.Në anën tjetër, Kryeprokurori i Shtetit, Aleksandër Lumezi, ka theksuar faktin se Prokurori i Shtetit mbetet i përkushtuar për trajtimin me prioritet të të gjitha rasteve të dhunës në familje dhe dhunës seksuale, si dhe nëpërmjet Zyrës për Mbrojtjen e Viktimave është duke e ofruar mbrojtën e nevojshme ligjore për të gjitha viktimat që pësojnë nga aktet e dhunës.
