Më 1917 u martua me amerikanen Helen Margaret Kelly, mbesa e Presidentin Wilson.
Nga Gani Perolli
Nuredin Bej Vlora ka qënë intelektual dhe politikan i njohur në botën Shqiptare. Lindi në Stamboll, pinjoll i oxhakut të Vlorajve, i biri i Mehmet Ferid Pashës dhe Refet hanëm Libohovës nga oxhaku i Asllan Pashanllinjve. Gjatë viteve të lëvizjes vorio-epirote dhe kryengritjes së Shqipërisë së Mesme, në krye të vullnetarëve vlonjat – lëvizje ndër të cilat njohu edhe Ali Këlcyrën, me të cilin do të ishte mik tërë jetën – rezistoj bindshëm qëndrimin e të ashtuquajturës qeveri të Epirit në Gjirokastër.
Në vitet e Luftës së Parë Botërore u vendos në Evropë dhe më 1917 u martua me amerikanen Helen Margaret Kelly, mbesa e Presidentin Wilson. Më pas shkoi në SHBA dhe në maj të vitit 1918 u zgjodh anëtar i Kryesisë dhe kryetar nderi i Partisë Politike të shqiptarëve të Amerikës, kryetar i së cilës ishte patriot Kristo Dako. E përfaqësoj këtë parti në Konferencën e Paqës. Përshëndeti Triumfin e Legalitetit, kur Zogu u kthye në dhjetor pas dështimit të Lëvizjes së qershorit. Më 1925 Nuredin bej Vlora u zgjodh Kryetar i Bashkisë së Vlorës, ku u dallua për kontributin e tij në zhvillimin e qytetit, falë shum veprave përparimtare. Me interesimin e tij, u hap Shkolla Tregtare Italiane në Vlorë. Pas përfundimit të mandatit u vendos në Paris dhe u kthye në Shqipëri në vitin 1935, vit në të cilin u arrestua si i dyshuar në organizimin e Kryengritje së Fierit dhe u dënua me vdekje. Për të u interesua baroni Aloisi.
Bëri pjesë në Komitetin Qendror të organizatëe “Bashkimi Kombëtar”, pararëndësja e Ballit Kombëtar. Ёshtë bashkëfirmosës me Ali Këlcyrën i protokolli e armëpushimit me gjeneralin Dalmazzo. Kryesoi 1,700 vetë të Ballit që shkuan në shpëtim të Ali Këlcyrës kur këtë e kishin zënë dhe mbajtur peng komunistët. Ёshtë denuar me vdekje edhe nga Ahmet Zogu, edhe nga Enver Hoxha. U largua me tërheqjen e trupave gjerman. Me dekret nr. 2205, date 5/1/1956 të Kuvendit Popullor, në numrin rendor 139, është shënuar emri i Nuredin bej Vlorës i shpallur armik i popullit dhe që i ndalohej hyrja në Shqipëri.
Ёshtë propozuar për Kryetar të Komitetit Kombëtar Shqipëria e Lirë në Paris në 1949, pozitë të cilën e fitoj Midhat Frasheri.
Ndërroj jetë në Heidelberg, Gjermani me 23 tetor 1964.
