Kryeministri i Australisë, Scott Morrison ka konfirmuar se tenistit serb Novak Djokovic i është anuluar viza.
Scott Morrison në një postim në Twitter ka thënë se viza e Djokovic është anuluar dhe se rregullat janë rregulla.
“Viza e zotit Djokovic është anuluar. Rregullat janë rregulla, sidomos kur bëhet fjalë për kufijtë tanë. Askush nuk është mbi këto rregulla. Politikat tona të forta kufitare kanë qenë kritike që Australia të ketë një nga nivelet më të ulëta të vdekjeve në botë nga COVID, ne po vazhdojmë të jemi vigjilentë”, ka shkruar kryeministri australian.
