Vetëm gjatë javës së kaluar, një mesatare prej 115 belgësh kanë vdekur çdo ditë.
Autoritetet belge raportuan se më shumë se 13,500 vdekje u regjistruan në vend këtë vit, më shumë se mesatarja krahasuar me vitet e mëparshme, njoftoi media lokale të shtunën.
Vendi me 11.5 milion banorë është goditur veçanërisht rëndë nga pandemia e koronavirusit. Belgjika ka një nga nivelet më të larta të vdekshmërisë në Bashkimin Evropian.E ashtuquajtura vdekshmëri e tepërt deri në fund të vitit do të jetë edhe më e lartë se tani.Sipas organizatës shëndetësore Sciensano, mesatarisht 115 belgë vdiqën çdo ditë vetëm gjatë javës së kaluar.Midis 1 janarit dhe 22 nëntorit, 111,034 belgë vdiqën, mesatarisht 13,657 më shumë se në tre vitet e mëparshme, njoftoi agjencia e lajmeve Belga, duke shtuar se numrat pasqyronin një prirje më të gjerë brenda bllokut.
Zyra e statistikave e Bashkimit Evropian raportoi në fillim të këtij viti se në 26 vendet anëtare të BE gjatë valës së parë të pandemisë së koronavirusit, gati 170,000 më shumë njerëz vdiqën midis marsit dhe qershorit sesa mesatarja e katër viteve të mëparshme.Pas një mbyllje të pjesshme në nëntor, shkalla e infeksionit në Belgjikë u ngadalësua.
