“Përplasje të ashpra vazhdojnë përgjatë gjithë vijës së frontit në Donbass”, deklaroi presidenti ukrainas Volodymyr Zelensky në fjalimin e tij të mbrëmjes të cituar nga Ukrinform.
Lideri ukrainas ka shpjeguar se “epiqendra është, natyrisht, në qytetet e rajonit të Lugansk”. Zelensky shtoi se “aktiviteti i armikut në rajonin e Kharkiv është duke u intensifikuar.
“Ne kemi arritur të dëbojmë pushtuesit nga Ivanivka, në rajonin e Khersonit dhe vazhdojmë të ushtrojmë presion në jug të vendit tonë”, shtoi ai.
Po ashtu, ai bëri me dije se 1 027 qytete dhe qyteza janë liruar në Ukrainë, ndërsa 2 620 të tjera ende nën pushtimin rus.
