Ne nuk duam zgjedhje, por nëse ato na i imponojnë, ne do të fitojmë, është i sigurt Benjamin Netanyahu
Ligjbërësit izraelitë hodhën poshtë një propozim të buxhetit të shtetit herët në mëngjesin de të martës, duke rritur shanset e shpërndarjes së parlamentit dhe thirrjen e zgjedhjeve të reja. Sapo të fillojë fushata e vaksinimit kundër covid-19, Izraeli mund të kthehet në votime, për herë të katërt në më pak se dy vjet, pasi dështuan tre përpjekje për të nxjerr fitues të qartë midis Benjamin Netanyahu dhe ish Komandantit Suprem të Aleancës, Benny Gantz.
Pas duelit të tyre të fundit zgjedhor në Mars, të dy zvarritën me formimin e një qeverie të “unitetit dhe urgjencës kombëtare”, por përfundimisht i dha fund krizës më të gjatë politike në historinë e shtetit hebre për të përballuar krizën shëndetësore.
Atëherë patën rënë dakord të ndërroheshin si kryeministër dhe që qeveria të kalonte një buxhet dy-vjeçar (për 2020 dhe 2021), por Likud i Netanyahut propozoi të votojë për dy buxhete të ndryshme, ndërsa partia “Blu dhe Bardhë” e Gantzit refuzoi.Afati i fundit për votimin e buxhetit është 23 Dhjetori. Nëse asnjë buxhet nuk miratohet deri atëherë, Knesset do të shpërndahet automatikisht dhe zgjedhjet e reja do të thirren deri në fund të Marsit 2021.
Në përpjekje për të zgjidhur krizën, partia e Benny Gantz propozoi pak para mesnatës që të mbahej një votim i ri për të zhvendosur afatin e miratimit të buxhetit 2020 në 31 Dhjetor dhe atë për 2021 në 5 Janar.Por gjatë votimit në mes të natës, në minutat e para të së martës, 49 deputetë votuan kundër propozimit dhe 47 ishin pro.
Tani ligjvënësit izraelitë duhet të arrijnë një marrëveshje të re deri në fund të ditës nëse nuk duan zgjedhje të reja.”Ne nuk duam zgjedhje (…) por nëse ato na i imponojnë, ne do të fitojmë”, tha Netanyahu.
