Milan fitoi në Bolonja, nën udhëheqjen e njeriut të tij më përfaqësues Zlatan Ibrahimovic, por pikërisht suedezi është ende nën hetim për ngjarjet e derbit dhe sherrit me Lukakun në Kupën e Italisë. Situatë që nuk duhet të aludojë aspak tek racizmi sipas mendimit të Paolo Maldinit: “Ishte një grindje e keqe për tu parë – komentoi drejtuesi i Milanit pas ndeshjes në Dall’Ara -. Por mbaron këtu. Nëse do të flisnim për racizëm, ne do ta mbrojmë me çdo mënyrë Ibrahimovic, që mbrojti shokët e tij të skuadrës të sulmuar nga Lukaku”.
“Racizmi nuk ka asnjë lidhje me Ibrahimovic dhe ai ishte i penduar që la ekipin me dhjetë lojtarë. Ai mbrojti shokët e tij të ekipit të sulmuar pa ndonjë arsye nga Lukaku, por kjo mosmarrëveshje vazhdoi me të vërtetë shumë e gjatë dhe tani unë pres që Ibra të bëjë atë që mund të bëjë në fushë, sepse numrat e tij janë të jashtëzakonshëm “.
Vrapimi i Milan si kryesues vazhdon edhe pas ndeshjes kundër Bolonjës: “Për të besuar tek titulli duhet të arrijmë 43 pikë si në fazën e parë. Si skuadër ne jemi më të kompletuar se më parë dhe kemi më shumë vetëdije. Nëse në fund të vitit nuk do kemi arritur të fitojmë titullin nuk do të jetë një problem, por duhet të përpiqemi sepse nëse nuk e bëjmë do të thotë që nuk kemi ambicien e duhur “.
Më në fund Maldini ka folur gjithashtu për merkaton, duke filluar nga rinovimi i Donnarummas: “Çështja e rinovimit është e ngrirë për momentin. Merkato na ka parë protagonistë dhe pronësia na ka lejuar të bëjmë atë që dëshironim brenda disa kufijve të caktuar ekonomikë. Tani ne kemi skuadrën për ti shkuar në fund të të dy kompeticioneve në të cilat jemi të angazhuar”.
