Ambasadori i Shteteve të Bashkuara të Amerikës, në Kosovë, Jeffrey Hovenier ka thënë se armët e lëna pas nga ata që e sulmuan Policinë e Kosovës në Banjskë më 24 shtator, janë të sofistikuara dhe se zakonisht ofrohen nga struktura shtetërore.
Ambasadori amerikan Hovenier në një intervistë për Zërin e Amerikës tha se këta individë, që ishin të gjithë serbë me sa dihet, kishin qasje dhe posedonin armë shumë të sofistikuara që nuk mund të blihen në tregun lokal.
Ambasadori ka shtuar se pjesa më e madhe e materialit luftarak që ata lanë pas ishte me origjinë nga Serbia.
