Kryeministri i Kosovës, Avdullah Hoti, i propozuar nga partia për kryeministër, ka zhvilluar një takim me strukturat dhe simpatizantët e LDK-së në Kamenicë. Këtë e ka bërë të ditur në një shkrim në Facebook.
“Në Kamenicë, me struktura dhe simpatizantë diskutuam për rrugën drejt fitores sonë të përbashkët. Në këtë kohë të vështirë për vendin duhet normalitet dhe kjo bëhet vetëm me LDK-në.
Vullneti dhe entuziazmi i tyre tregonte qartë nevojën për të vazhduar me frymën e shtëpisë sonë politike.
Zoti e bekoftë Kamenicën!
Zoti e bekoftë LDK-në!”, ka shkruar Hoti.
