Kryetari i AAK-së dhe kandidat për kryetar të Kosovës, Ramush Haradinaj, në një shkrim të postuar në rrjetin social Facebook,
e cilëson presidentin e SHBA-së, Biden, mik besnik të Kosovës.
“Presidenti Biden është mik besnik i Kosovës dhe unë pata nderin të ndërtoja një miqësi personale me të, bazuar në besim dhe respekt, shumë vite më parë.
Më shumë se kurrë Kosova ka nevojë për një partneritet të fortë me Amerikën.
Si President nuk do të lejoj askënd ta dëmtojë këtë besim dhe miqësi, por do të forcojë edhe më tutje lidhjet me aleatët tanë për një Kosovë të fortë e të sigurt”, ka shkruar Haradinaj.
