Gjenerali Joseph Jarrard ka qënë i pranishëm ditën e sotme në Portin e Durrësit. Këtë e ka bërë të ditur ambasada amerikane në Tiranë, e cila ka ndarë dhe disa foto nga vizita.
”Porti do të jetë një nyje e rëndësishme logjistike për stërvitjen e ardhshme Defender Europe 21. Anijet ushtarake të logjistikës do të dorëzojnë pajisje luftarake për stërvitjen në Shqipëri përmes Portit të Durrësit këtë verë. Kjo përforcon rëndësinë strategjike të gjeografisë së Shqipërisë për aleancën e NATO-s”,-thuhet në njoftimin e ambasadës së SHBA-së në Tiranë.
