Ferizaji deri më tani duket qyteti më i bukur në Kosovë pas zbukurimeve që i ka bërë për festat e fundviti, Krishtlindjet dhe Vitin e Ri.
Ishin fëmijët ata që i prinë kësaj ngjarjeje festive, si me muzikën e instrumenteve të tyre të vogla, ashtu edhe me “gëzimin e sinqertë” dhe ndezjen inauguruese të dritave.
Kryetari i Ferizajit Agim Aliu në postimin e tij në Facebook uroi shëndet, mirësi, ditë të mbara e mirëqenie për çdo ferizajas për Vitin e Ri 2021.
Ky ishte postimi i tij i plotë:
Agim Aliu
Mijëra drita u ndezën sonte nga duart e fëmijëve, nën tingujt e muzikës festive, për ta ndriçuar gëzimplotë, qiellin e Ferizajt në prag të festave të fundvitit.Bashkë me të vegjëlit dhe prindërit e tyre, ecëm sheshit kryesor të qytetit, me gëzimin e sinqeritetin e paskaj që veç fëmijët mund të përçojnë, për t’i thënë lamtumirë edhe pak ditë 2020-tës e mirësevjen Vitit të Ri 2021 me përplot shëndet, mirësi, ditë të mbara e mirëqenie për çdo ferizajas.
