Aktivistë dhe ekspertë mjekësorë po iu bëjnë thirrje njerëzve që kanë metoda alternative që të mos përdorin shporetët dhe stufat me dru këtë dimër pas shqetësimeve të rritura për impaktin e tyre në shëndetin publik.
The Guardian së fundi raportoi se djegësit e drunjve trefishojnë shkallën e thërmijave të dëmshme brenda shtëpive ashtu si edhe në krijimin e shkallëve të rrezikshme të ndotjes në mbarë mëhallën apo fshatin ku ndodhen njerëzve.
Tash ekspertët te “Asthma UK” po iu kërkojnë njerëzve që të mos djegin dru fare – përveç nëse nuk kanë kurrfarë alternative tjetër për ngrohje.
“Tash dihet se djegia e druve dhe qymyrit lëshon thërmija që janë forma më brengosëse e ajrit të ndotur për shëndetin njerëzor,” tha Sarah MacFadyen, shefja e politikave në fjalë.
Një grup hulumtimi zbuloi se ajri i ndotur mund të jetë duke dëmtuar çdo organ në trup, me efketet që përfshinin zemrën, mushkëritë, diabetet, demencinë, inteligjencën e zvogluar dhe rritjen e depresionit. Fëmijët dhe të palindurit janë ata që vuajnë më së shumti.
Shporetët dhe stufat me dru dhe qymyr janë shumë të përhapura edhe në Kosovë
