Kryeministri i Kosovës, Avdullah Hoti, ka zhvilluar një takim me ministrin e Punëve të Jashtme të Shqipërisë, Gent Cakaj, i cili u shpreh se dialogu Kosovë-Serbi duhet të përfundojë me njohjen reciproke. Po ashtu u bisedua për procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë.
Postimi i Gent Cakajt:
Një takim fort i vyer me kryeministrin e Republikës së Kosovës, z. Avdullah Hoti !
Biseduam mbi rëndësinë e patjetërsueshme të qasjes së bashkërenduar, mes Republikës së Kosovës dhe Republikës së Shqipërisë, për mbrojtjen e të drejtave të shqiptarëve të Luginës së Preshevës.
Shprehëm shqetësimin e thellë lidhur me procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë. Ne do të vazhdojmë të punojmë pakursyer për për rritjen e ndjeshmërisë ndërkombëtare për gjendjen e shqiptarëve në Luginë.
Ndamë të njëjtën pikëpamje se dialogu Kosovë-Serbi duhet të përfundojë me njohjen e Republikës së Kosovës nga Serbia.
#JemiNjë
