Shaip KAMBERI
Sulmi terrorist në Kosovë ka ardhur për shkak të flirtimit të Perëndimit me nacionalizmin serb
Beogradi jep informacione të rezervuara edhe në këtë situatë kur gjithçka është e artë ata duan ta fajësojnë Kosovën dhe kryeministrin Kurti. Është sulm klasik terrorist të një grupi të mirëarmatosur dhe gjithë ai arsenal është e pamundur të organizohet nga qytetarët e pakënaqur siç thotë presidenti Vuçiç nga dhuna e Kurtit. Një agresion i sërishëm në një vend që është në protektoratin e NATO-s!
Kamberi thotë se prej kohësh ka paralajmëruar për rrezikun serb në Ballkan, teksa fajëson perëndimin për flirtim me nacionalizmin serb.Një ambicie për ndërtimin e Serbisë së madhe që mjerisht në heshtje është toleruar nga Perëndimi. Bota serbe ka sjellë telashe në Bosnjë, ka sjellë në Mal të Zi, një rend i cili ishte lider në rrugën europiane ka ardhur në një situatë që nuk mund të krijojë qeverinë pa forcat, por serbe dhe veriu i Kosovës që është gjithnjë jo stabile për shkak të ndërhyrjeve të Vuçiç dhe marionetave që ai ka instaluar aty. Lista serbe është përfaqësuesja politike e serbëve të Kosovës në Kuvendin e Kosovës dhe informacionet e fundit flasin që lideri i saj Milan Radojçiç ishte udhëheqësi kryesor i sulmit terrorist
Ky do të jetë fundi i saj dhe fundi i Milan Radojiçiç njësoj si Progozhini. Do të mundohen të fshihen fakte evidente për përfshirjen e drejtpërdrejt të Serbisë. Është e qartë që asnjë grupim nuk mund të organizohet në atë formë pa ndihmën e shtetit tonë. Vuçiç që thotë se di gjithçka në Ballkan nuk ka mundësi të mos dijë, e pamundur që shërbimi inteligjent serb të mos dijë.Unë besoj që dialogu nuk ka alternativë, besueshmëria në neutralitetin e ndërmjetësit është thyer. Perëndimi të ndërpresë lajkatimin me Beogradin dhe botën serbe, e cila ka qëllim që të gjithë serbët të kontrollohen nga një president dhe kjo nuk duhet toleruar. Ndikimet e Beogradit në rajon janë destruktive. Bota serbe ka marrë një grusht të rëndë në Kosovë!
Maqedonia Shqiptare
