Kandidati për deputet i Lidhjes Demokratike të Kosovës, diplomat dhe ish- ambasadori i Kosovës, Anton Berisha, ka shkruar në një status në rrjetin social Facebook se me formalizimin e sotshëm të marrëdhënieve diplomatike mes Kosovës dhe Izraelit, po u jepet goditja më e madhe haxhiqamilëve modernë, që e duan Kosovën jashtë ndikimit amerikan dhe atij properëndimor.
Postimi i plotë i Berishës:
Sot, me formalizimin e marrëdhënieve diplomatike ndërmjet Kosovës dhe Izraelit, u jepet goditja më e madhe haxhiqamilëve modernë që duan ta shohin Kosovën jashtë orbitës së boshtit amerikano-europerëndimor.
Falë maturisë dhe konstruktivitetit të kryeministrit të Kosovës, z. Avdullah Hoti, i mbështetur në plotëni nga Kryesia e LDK-së, u arrit që të vazhdohet partneriteti me administratën amerikane, e një ndër përfitimet historike është pikërisht njohja nga Izraeli.
Kombi shqiptar e izraelit kanë një histori krahasuese, të traditës dhe të fisnikërisë që i bën aleatë të përbashkët të botës së lirë.
