Shtatë persona janë lënduar në një aksident komunkacioni që ka ndodhur në hyrje të fshatit Shajkovc të Podujevës.
Në aksident kanë qenë të përfshirë tri vetura dhe një traktor.
Lajmin e ka konfirmuar zëdhënësi i policisë për rajonin e Prishtinës Agron Borovci.
“Sot rreth orës 17:30, në hyrje të fshatit Shajkovc të Podujevës ka ndodhur aksident komunikacioni rrugor, ku kanë qenë të përfshira tri vetura dhe një traktor Si pasojë e aksidentit lëndime trupore kanë pësuar 7 persona. Personat e lënduar janë dërguar për tretman mjekësor, ndërkohë që me rastin po merret njësiti i trafikut”, ka thënë Borovci.
