Ish Kryeministri australian i Punës Kevin Rudd nisi iniciativën në 10 tetor dhe pati 501,876 nënshkrime deri të mërkurën. Më shumë se gjysmë milioni australianë kishin nënshkruar një peticion në internet, duke bërë thirrje për një hetim të “monopolit të medias” të Rupert Murdoch. Ish kryeministri australian i Punës Kevin Rudd nisi iniciativën në 10 Tetor dhe ajo u bë peticioni më i madh për autoritetet në historinë Aastraliane, me 501.876 nënshkrimesh.
Deri më tani, numri më i madh i nënshkrimeve në vitin 2019 u mblodh nga iniciativa për shpalljen e një klime të jashtëzakonshme me 404 mijë nënshkrime.”Murdoch është bërë një tumor – një tumor arrogant në demokracinë tonë,” tha Rudd në një mesazh me video duke filluar peticionin. U është bërë ftesë autoriteteve që të hetojnë “abuzimin me monopolin e medias në Australi” dhe të bëjnë rekomandime për diversifikimin e pronësisë së mediave në vend. Rudd falënderoi nënshkruesit, përfshirë ish-kryeministrin konservator, Malcolm Turnbull dhe mbështetja u dha nga aktori britanik Hugh Grant, megjithëse ai nuk mund të jepte firmën e tij.
Rudd pretendon se Rupert Murdoch zotëron 70 për qind të mediave në Australi dhe 89-vjeçari është pronari më i madh i mediave gjithashtu në MB. Korporata e lajmeve të Murdoch shpesh është kritikuar për keqraportim. Në gusht të këtij viti, djali i manjatit James u largua nga bordi i drejtorëve të kompanisë për mosmarrëveshje me politikën editoriale. Megjithëse peticioni për hetimin mori mbështetje rekord, ligji australian nuk i detyron autoritetet të hetojnë.
