Një grua 39-vjeçare është arrestuar si e dyshuara kryesore për një sulm me thikë në stacionin qendror të Hamburgut. Dymbëdhjetë persona janë plagosur, përfshirë tre që janë në gjendje kritike.
Një incident i rëndë ndodhi në stacionin qendror të trenit në Hamburg, Gjermani, ku një grua e armatosur me thikë plagosi dymbëdhjetë persona. Sulmi ndodhi rreth orës 18:00 me orën lokale, kur stacioni ishte i mbushur me udhëtarë.
Autoritetet konfirmuan se tre prej viktimave janë në gjendje kritike dhe janë dërguar menjëherë në spital. Viktimat janë trajtuar në vendngjarje nga ekipet e emergjencës, disa brenda vetë trenave.
Policia gjermane ka arrestuar një gruan 39-vjeçare, e cila dyshohet se është autorja e vetme e sulmit. Nuk ka ende informacione për motivet e saj, por autoritetet kanë përjashtuar për momentin lidhje me terrorizmin dhe po e trajtojnë rastin si një akt të izoluar dhune.
Ngjarja shkaktoi panik në mesin e qytetarëve dhe udhëtarëve, ndërsa stacioni u evakuua dhe u rrethua nga forcat e sigurisë.
Një operacion i madh policor është ende në zhvillim për të siguruar zonën dhe për të mbledhur prova.
Autoritetet u kanë bërë thirrje qytetarëve të shmangin zonën dhe të bashkëpunojnë me hetimet. Ky është një nga incidentet më të rënda të dhunës individuale në transportin publik gjerman gjatë viteve të fundit, duke rikthyer shqetësimet për sigurinë në hapësirat publike të mbipopulluara.
