Policia e Kosovës ka bërë të ditur se sot ka konfiskuar një sasi municioni gjatë një bastisje në një shtëpi në veri të Mitrovicës.
Lajmin për RTKlive e ka konfirmuar zëvendësdrejtor i Policisë së Kosovës në rajonin e veriut, Veton Elshani.
Ai tha se sot rreth orës 13:00 pas pranimit të informacionit se në një vend të caktuar në Mitrovicën Veriore mund të ketë substanca narkotike, Policia e Kosovës ka zhvilluar një bastisje.
“Gjatë bastisjes në këtë shtëpi, Policia ka hasur dhe ka sekuestruar 1 AK-47, 2 granata dore M-75, 2 radiolidhje, 2 antiplumbë, kapelë, dorëza, çanta ushtarake, karikator të zbrazët e të mbushur me fishekë të pistoletës, harta, rrip brezi, prej, thikë, shall kamufllazhi etj”, ka thënë Elshani .
Tutje ai ka theksuar se dy persona të dyshimtë njëri me iniciale A.J. i lindur me 1992 dhe tjetri V.J. i lindur me 1978 nuk janë hasur në shtëpi, por tashmë janë shpallur si persona në kërkim. rtk
