Shkruan: Rilind Dauti
.-Shqiptarët që e duan Amerikën nuk dalin të festojnë në qytetet shqiptare sepse ndonjë politikan në Amerikë i ka fituar zgjedhjet.
-Shqiptarët që e duan Amerikën nuk flasin me zell për operacionet e SHBA-ve kundër al-Kaedës, ISIS-it, etj. siç shqiptarët turkofilë flasin me entuziazëm për operacionet e Turqisë kundër “PKK/YPG/PYD”.
-Shqiptarët që e duan Amerikën nuk postojnë për arabë dhe afganë që e mbështesin praninë amerikane në ato shtete dhe që i kundërshtojnë grupet që luftojnë kundër Amerikës, siç shqiptarët turkofilë shpërndajnë propagandë që kurdët në fakt nuk duan ta kenë shtetin e vet por duan të jenë nën Turqinë.
-Shqiptarët që e duan Amerikën nuk e mbështesin çdo veprim të politikës së jashtme amerikane siç shqiptarët turkofilë mbështesin gjithçka që bën Turqia për interesat kombëtare të saj.
-Shqiptarët që e duan Amerikën nuk janë mbështetës aktivë të shkeljes së sovranitetit që për interesat e saj Amerika ua bën shteteve tjera, ashtu siç shqiptarët turkofilë e mbështesin shkeljen e sovranitetit që për interesat e saj kombëtare Turqia ia bën Sirisë dhe Irakut.
-Shqiptarët e duan Amerikën për shkak të mbështetjes që e ka dhënë ndaj shqiptarëve, ndërsa shqiptarët turkofilë e duan Turqinë për shkak të faktorëve tjerë, dhe në mënyrë të pasinqertë dashurinë për Turqinë përpiqen ta arsyetojnë duke thënë që është aleate e shqiptarëve.
-Kur përmend ndonjë aspekt negativ të Amerikës, shqiptarët që e duan Amerikën nuk çarten nga nervoza, siç shqiptarët turkofilë e mbrojnë Turqinë si me qenë turq.
