Ushtarë ukrainas, të trajnuar nga forcat britanike për t’i ndihmuar ata në luftën e tyre kundër Rusisë, kanë mbërritur në Britani të Madhe.
”Grupi i parë në programin ushtarak të udhëhequr nga BM u takua me ministrin e Mbrojtjes, Ben Wallace teksa ata filluan stërvitjen e tyre disajavore”, tha Ministria e Mbrojtjes.
Programi do të trajnojë deri në 10 000 ukrainas gjatë muajve të ardhshëm.
Wallace tha se “ky program i ri trajnimi ambicioz është faza tjetër në mbështetjen e BM për forcat e armatosura të ukrainës në luftën e tyre kundër agresionit rus”.
“Duke përdorur ekspertizën e klasit botëror të ushtrisë britanike, ne do të ndihmojmë Ukrainën të rindërtojë forcat e saj dhe të rrisë rezistencën e saj ndërsa mbrojnë sovranitetin e vendit të tyre dhe të drejtën e tyre për të zgjedhur të ardhmen e tyre”, theksoi ai.
Trajnimi do t’u japë rekrutëve vullnetarë me pak ose aspak përvojë ushtarake aftësitë për të qenë efektivë në luftimet e vijës së parë.
BM ka dhuruar gjithashtu veshje dhe pajisje për të mbështetur ushtarët ukrainas në trajnimin dhe vendosjen e tyre në Ukrainë.
ATSH-DPA
