Suedia e mundi Kosoven 3:0 me meritën e lojës së dobët të lojtarëve tonë.
Loja e kombëtares sonë ishte konfuze, pati gabime në sulm e në mbrojtje. Suedezët ishin të organizuar, të motivuar dhe ia gjuanin topin njëri-tjetrit.
Ludwig Augustinsson dhe Alexander Isak nga një herë në pjesën e parë dhe Sebastian Larsson nga penalltia në pjesën e dytë shënuan për t’ia siguruar Suedisë fitoren ndaj Kosovës të dielën në Prishtinë.
Kosova po vinte e motivuar në këtë takim, pasi e kishte mposhtur Lituaninë 4:0 në një ndeshje miqësore në mesjavë, por e vetedjshme që mungesat e mëdha si kapiteni Amir Rrahmani, Ibrahim Dresevic në mbrojtje, Valon Berisha e Herolind Shala në mesfushë.
Pas një fillimi pozitivë në dhjetë minutat e parë, kur Muriqi patoi mundësi t’ia dhuronte kombëtares dardane një epërsi të hershme, vizitorët përfituan nga një gabim i portierit veteran Samir Ujkani, i cili e braktisi portën me vonesë duke ia mundësuar Zlatan Ibrahimovicit të pasonte për Augustinsson, i cili shënoi në portën boshe.
Muriqi ka mundur ta barazonte rezultatin pas gjysmë ore lojë, por goditja e tij me kokë përfundoi pranë shtyllës së djathtë të portës suedeze.
Kur Kosova po gjente çastet të mira, një gabim tjetër në mbrojtje i kushtoi me gol.
Gabimi i dyshes së mbrojtjes Benjamin Kololli dhe Florent Hadergjonaj i dha mundësinë Isakut të gjuajë nga afërsia dhe ta mposhtë Ujaknin duke ia kaluar topin mes këmbëve në minutën e 35-të.
Verdhekaltrit ishin të pafuqishëm të bënin diçka në pjesën e dytë, ndërkohë që Suedia e shënoi golin që e vulosi triumfin e saj të rëndësishëm në vizitën e parë në Prrishtinë.
Milot Rashica e preku topin më dorë në zonë dhe gjyqtari pa ngurrur dha penallti për mysafirë.
Larsson e mposhti Ujkanin edhe nga pika e bardhë për tri pikët e dyta të Suedisë në dy ndeshjet e para në këto kualifikime.
