Rugova, i ftuar në emisionin ‘dPt te Fidani’ në T7 ka kërkuar që të bëhet një garë e ndershme, sepse përndryshe do të ndeshet me kandidatët, shkruan Gazeta Express.
“Kushdo që tenton që të zgjidhet me pazare tavoline, pa kuti, do të ndeshet me delegatët. Shefat e partisë nuk i pyet askush. Dofarë gjeneralë para 14 shkurtit që i thojshin vetit, nuk i pyet askush”, deklaroi ai.
Tutje, ai tha se kryesia e deritanishme e LDK-së ia ka humbur një përqindje të konsiderueshme LDK-së.
“Ky lidership ia ka humbur 48% elektoratit të LDK-së, prandaj duhet një lider karizmatik e unifikues që mbështetet nga e djathta tradicionale dhe shpirti i LDK-së. Unë dua të besoj që këta njerëz që kanë marrë guximin të kandidojnë për LDK, duhet ta kenë parasysh se LDK është një organizatë e madhe, vështirë e menaxhueshme”, deklaroi ai.
