Serbia assesi të pajohet pse Izraeli e njohu Kosovën
Kosova e përmbushi zotimin e dhënë në Washington, më 4 shtator 2020.
Përveç që u njoh ndërsjellazi me Izraelin dhe vendosi marrëdhënie diplomatike me të, e sosi ta dëgjojë Amerikën deri në fund dhe ta bëjë Ambasadën në Jerusalem.
Megjithatë, Serbia me gjasë, nuk do t’i dalë në fjalë Shteteve të Bashkuara, siç bëri Kosova.
Zotimin që kishte dhënë vetë presidenti Aleksandar Vuçiq, kur pati firmosur marrëveshjen e 4 shtatorit në Shtëpinë e Bardhë se shteti i tij e bart Ambasadën në Jerusalem po e kundërshton lideri i Partisë Socialiste dhe kryetari i Kuvendit të Serbisë, Ivica Daçiq.
