Një grup protestuesish kundër ndalim qarkullimit në qytetin holandez të Eindhoven u përleshën me policinë dhe i gjuajtën me gurë. Policia u hakmor me topa uji, gaz lotësjellës dhe arrestoi të paktën 30 persona, shkruan AP.
Policia gjithashtu përdori topa uji në Amsterdam për të shpërndarë protestuesit në sheshin kryesor. Kjo është java e dytë me radhë që policia po përplaset me protestuesit në Amsterdam që kur bllokimi hyri në fuqi në mes të dhjetorit dhe do të zgjasë deri në 9 shkurt.
Në Eindhoven, që ndodhet 135 kilometra në jug të Amsterdamit, sheshi qendror pranë stacionit kryesor të trenit ishte i mbushur me gurë dhe xhama të thyer. Mbështetësit e grupit anti-migrant PEGIDA, i cili u përpoq të protestonte në qytet, besohet gjithashtu se u janë bashkuar protestuesve.Policia në Eidhoven tha se ata kishin arrestuar të paktën 30 persona në pasdite dhe paralajmëruan njerëzit të qëndrojnë jashtë qendrës mes përplasjeve midis protestuesve dhe policisë. Tani për tani, nuk ka asnjë informacion nëse ka të lënduar.
Protestat e dhunshme u bënë një ditë pasi protestuesit i vunë flakën një testi për koronavirus në fshatin holandez të peshkatarëve Urku.Tre ditë më parë, qeveria holandeze propozoi futjen e një shtetrrethimi kombëtar për herë të parë që nga Lufta e Dytë Botërore dhe ndalimin e fluturimeve nga Afrika e Jugut dhe Britania e Madhe në një përpjekje për të kufizuar përhapjen e llojeve të reja të koronavirusit në Holandë.
Ora policore hyri në fuqi të premten.Ora policore lejon vetëm njerëzit me detyrime urgjente të largohen nga shtëpitë e tyre ndërmjet orës 21:00 dhe 4.30. Shkollat dhe dyqanet jo-thelbësore janë mbyllur tashmë që nga mesi i dhjetorit, pasi kafenetë dhe restorantet u mbyllën dy muaj më parë.
