Në shkurt të vitit 2012, Presidentja e atëhershme e Kosovës, Atifete Jahjaga, e kishte pritur në takim Zëvendës Sekretarin e Shtetit, Uilliam Berns (William Burns), i cili e kishte vizituar Kosovën, i shoqëruar nga Zëvendës Ndihmësi i Sekretarit të Shtetit,Philip Reeker dhe ambasadorin e SHBA-së në Kosovë, Christopher Dell.
“Zëvendëssekretari amerikan i shtetit, zotëri Burns, tha se SHBA-ja i jep mbështetje dhe përkrahje Kosovës në të gjitha proceset e saj. Ai tha se SHBA-ja është e interesuar për përparimin e gjithë rajonit të Ballkanit, përfshirë Kosovën, drejt integrimeve euroatlantike.
Zotëri Berns tha se SHBA-ja do të vazhdojë ta mbështes Kosovën në skenën ndërkombëtare, rajonale dhe atë të brendshme dhe nuk do të inkurajojë asnjë hap që do të dëmtojë pavarësinë e Kosovës”, thuhej në njoftimin për media të lëshuar atë kohë pas takimit.
