Kancelarja gjermane Angela Merkel ka shprehur zemërimin dhe pikëllimin pas trazirave në Uashington për të cilat fajëson faktin se Trump nuk donte të pranonte humbjen në zgjedhje.”Ne të gjithë pamë pamje shqetësuese të sulmit në Kongresin Amerikan dje, dhe ato pamje më bënë të zemëruar dhe të trishtuar,” tha Merkel. “Më vjen keq që Presidenti Trump nuk e ka pranuar humbjen që nga nëntori, siç bëri dje”.Ajo i quajti mbështetësit e Trumpit që hynë me forcë në Kapitol “sulmues dhe protestues” dhe shprehu besimin se Joe Biden do të inaugurohej si presidenti i ri në 20 Janar.Kryeministri izraelit Benjamin Netanyahu tha se inkursioni në Kapitol ishte “një veprim i turpshëm që duhet të dënohet me forcë”.Duke e quajtur incidentin “të egër”, ai tha se nuk kishte dyshim se “demokracia amerikane do të mbizotërojë”. “Ka qenë gjithmonë kështu”.”Ne nuk do të dorëzohemi ndaj dhunës së një grushti njerëzish që duan të vënë në dyshim demokracinë,” tha Presidenti francez Emmanuel Macron në një mesazh me video të enjten.”Kur, në një nga demokracitë më të vjetra në botë, mbështetësit e presidentit në ikje vënë në dyshim rezultatet legjitime të zgjedhjeve, kjo është një goditje e parimit universal – një njeri, një votë”, tha presidenti francez.”Ajo që ndodhi në Uashington sot sigurisht nuk është amerikane”, përfundoi ai, këtë herë në anglisht, në një deklaratë zyrtare në Pallatin Elysee që u postua në mediat sociale rreth orës 3 pasdite.
