Kandidati për kryetar të Komunës së Podujevës, nga Lëvizja Vetëvendosje, Shpejtim Bulliqi, ka votuar në shkollën “Ilir Konushevci” të fshatit Llugë. Ai ftoi qytetarët e kësaj komune që të dalin sa më masivisht në zgjedhje.
“E dhashë votën për të ardhmen e qytetarëve të Podujevës. I ftoj qytetarët që masivisht të votojnë për të ardhmen e tyre. Sot të gjithë qytetarët janë të barabartë. Po ashtu, ftoj qytetarët, komisionerët dhe vëzhguesit ta bëjnë punën e tyre në mënyrën më të mirë, që këto zgjedhje të përfundojnë në rregull”, ka thënë Bulliqi.
