Vjosa Osmani do t’u drejtohet për herë të parë ushtarëve të Forcës së Sigurisë së Kosovës në cilësinë e ushtrueses së detyrës së Presidentit të Republikës së Kosovës për Ditën e Forcës.
Lajmin e ka bërë të ditur Ministria e Mbrojtjes përmes një komunikate për media.
Përveç Osmanit, fjalim do të mbajë edhe kryeministri i vendit Avdullah Hoti, Ministri i Mbrojtjes Anton Quni dhe Komandanti i FSK-së, Rrahman Rama, shkruan kosovapost.
“Për shkak të pandemisë COVID-19, të cilën është duke e kaluar edhe vendi ynë, këtë vit mënyra e shënimit të Ditës së Forcës nuk është e karakterit të hapur. Hyrja është e lejuar vetëm për ata që kanë ftesa”, thuhet në njoftimin e Ministrisë.
Komunikata e plotë:
Ceremoninë e shënimit të Ditës së Forcës (FSK-së)
Ceremonia do të mbahet me, 27.11.2020, ditë e premte, duke filluar në ora 12:00 në ambientet e kazermës “Adem Jashari” në Prishtinë.
Me fjalimet e tyre do të paraqiten:
Ushtruesja e detyrës së Presidentit të Republikës së Kosovës zonja Vjosa Osmani – me video paraqitje;
Kryeministri i Republikës së Kosovës zoti Avdullah Hoti;
Ministri i Mbrojtjes zoti Anton Quni;
Komandanti i FSK-së gjenerallejtënant Rrahman Rama.
Për shkak të pandemisë COVID-19, të cilën është duke e kaluar edhe vendi ynë, këtë vit mënyra e shënimit të Ditës së Forcës nuk është e karakterit të hapur.
Hyrja është e lejuar vetëm për ata që kanë ftesa.
Paraprakisht ju falënderojmë për bashkëpunimin.
