Ministria e Shëndetësisë e Maqedonisë Veriore bën me dije se në 24 orët e fundit u konfirmuan mbi 1 mijë të infektuar, duke e çuar totalin e të prekurve në mbi 71 mijë.
Gjithashtu shqetësues paraqitet edhe bilanci i viktimave. Të premten u raportua për 26 viktima, në mesin e tyre edhe një 30-vjeçare, për të cilën autoritetet e shëndetësisë thanë se ka pasur sëmundje shoqëruese.
Listës së punonjësve shëndetësorë që kanë humbur betejën me COVID-19 i është shtuar edhe një mjek 41-vjecar nga Tetova, duke e çuar në afro 20 numrin e punonjësve shëndetësor që kanë humbur jetën si pasojë e koronavirusit.
Ndërkohë autoritetet e shëndetësisë në Maqedoninë e Veriut njoftuan se në Repartin Infektiv në Shkup dhe në spitalet e vendit aktualisht trajtohen 1301 pacientë.
