Gjatë 24 orëve të fundit, janë shëruar nga koronavirusi 788 pacientë, me raste të reja pozitive janë konfirmuar 685 raste, ndërsa kanë vdekur 14 pacientë.
Sipas një komunikate të Institutit Kombëtar të Shëndetësisë Publike të Kosovës (IKSHPK), brenda 24 orëve të fundit janë testuar gjithsej 4.742 mostra, prej të cilave rezultojnë 685 raste pozitive. Ndërkaq, janë raportuar 14 raste të vdekjes nga COVID-19 nga komunat: Gjakovë 3 raste (81, 74, 62 vjeç), Ferizaj 2 raste (84, 78 vjeç), Kamenicë 2 raste (77, 77 vjeç), Prishtinë 2 raste (79, 69 vjeç), Lipjan 1 rast (74 vjeç), Mitrovicë 1 rast (71 vjeç), Skenderaj 1 rast (58 vjeç), Suharekë 1 rast (53 vjeç), Vushtrri 1 rast (80 vjeç).
Numri total i rasteve pozitive është 95.341 raste nga 456.664 persona të dyshimtë në virusin SARS-CoV-2 dhe 1.948 raste të vdekjes.
Gjatë 24 orëve të fundit, janë shëruar 788 pacientë derisa numri i përgjithshëm i të shëruarve deri më sot është gjithsej 79.490 raste, kurse numri i rasteve aktive është 13.903.
Rastet pozitive janë nga komunat: Prishtinë 194 raste, Gjilan 70 raste, Gjakovë 46 raste, Pejë 41 raste, Mitrovicë 38 raste, Vushtrri 35 raste, Ferizaj 31 raste, Skenderaj 31 raste, Fushë-Kosovë 26 raste, Podujevë 26 raste, Lipjan 19 raste, Viti 16 raste, Obiliq 14 raste, Deçan 13 raste, Istog 11 raste, Kaçanik 10 raste, Prizren 10 raste, Drenas 8 raste, Klinë 8 raste, Malishevë 8 raste, Kamenicë 7 raste, Suharekë 7 raste, Hani i Elezit 5 raste, Shtime 5 raste, Rahovec 4 raste dhe Dragash 2 raste.
IKSHPK si gjithherë apelon për kujdes të shtuar: Mbuloni gojën dhe hundën me maskë! Mbani higjienën! Respektoni distancën!
