Gjashtë persona janë lënduar si pasojë e një aksidenti sot në Qerim të Gjakovës. Zëdhënësi i policisë për Gjakovë, Sheremet Elezaj tha se në këtë aksident kanë qenë të përfshira pesë makina.
“Rreth orës 13:35 është raportuar aksident trafiku në fshatin Qerim-Gjakovë. Policia ka dalë në vendin e ngjarjes ku të përfshirë në aksident kanë qenë pesë automjete (tri në lëvizje, ndërsa dy të parkuara). Për pasojë, gjashtë persona kanë kërkuar ndihmë mjekësore”, tha Elezaj.
